يوم زى كل يوم
و يبدا اليوم كده :
اصحى يا هانم ... يلا هتأخر على الشغل فين الفطار ؟
و بعد تحضير الفطار 0000
ايه ده فين الشاى ؟؟ ( و يكون الشاى فى الطريق )0
دى مش عيشه انا مشفتش لكاعه كده ابدا
و ينزل الزوج للشغل مكشر بعد ما يرزع باب الشقه و هو نازل
و الساعه 4 الظهر يبدا الحوار التالى من غير لا سلام و لا كلام
يا ست هانم انتى فين ؟ طبعا مانتى قاعده فى البيت معززه مكرمه مبتشوفيش اللى الواحد بيشوفه فى الشغل و القرف
مش عايز اسمع ان الاكل لسه على النار
الاكل يتحط دلوقتى حالا انا راجع تعبان و جعان حتى البيت يا ربى الواحد مش عارف يرتاح فيه
و بعد الاكل مفيش حلو النهارده و لا ايه امال الفلوس اللى بتاخديها كل شهر بتروح فين ده تسيب و استهتار
اوف عيشه بقيت تخنق
انا داخل انام مش عايز اسمع نفس ومحدش يصحينى حتى لو البيت ولع
و يجيى تليفون مهم بعد ساعه من النوم و يقول المتحدث ان الامر هام و تفضل الزوجه شويه فى حيره و خوف و مش عارفه تعمل ايه و فى الاخر تضطر تكدب و تقول اصله نزل يشترى حاجه اول ما يرجع هيتصل بحضرتك
و يصحى الزوج من النوم 0000
عايز شاىىىىىى00000
و لما يعرف بالمكالمه اللى جاتله يبدا يزعق ايه ؟؟ ازاى محدش يصحينى ؟؟؟ انتوا هاتضيعوا مستقبلى 0
و بعد شويه لما يجيى ميعاد المسلسل اللى هى متبعاه تلاقى ريموت التليفزيون اتاخد و اتقلبت القناه على ماتش كوره اللى يعتبر اهم من اى شىء فى الدنيا و حتى من غير ما يطلب منها انه يغير القناه 00
و يظل هذا هو الحوار القائم دوما و تعيش الزوجه على طول فى قلق و توتر مش عارفه تعمل ايه 00 بيبدا يومها و ينتهى بتأنيب و زعيق و احباط من غير ما تعرف ايه بالظبط ذنبها و من غير اى كلمه موده او نظره حنيه تبل ريقها و تهون عليها شغل البيت و الاهتمام بشؤونه الذى يظن الكثير انه شىء سهل و تافه 0
و كانت هذة صوره من حياه زوجيه يوميه و التى اظن انها اذ استمرت هكذا لن تدوم طويلا و سوف تهوى فجاه و لاتفه الاسباب 0
posted by moly&Osama @ 1:15 PM
5 Comments:
At 6:18 PM,
Anonymous said…
أعتقد ان الصورة ديه كانت موجودة ايام ماما يا ماما
أما الصورة الأيام دي هي كالاتي يصحو الاتنين من النوم الزوجة تقول يلا أصحى من النوم العيال هيتأخروا على المدرسة وتدخل الزوجة على العيال اوم يامتنيل انت وهية هتتأخروا على المدارس هوة أنا هلأيها منكوا ولا من أبوكوا ده كان المشهد الأول في الصباح البكر وينزل الغلبان يوصل العيال من غير ولا كلمة أما المشهد التاني هو كالاتي يرجع من الشغل قبلها كالعادة دائما و طبعا برضوا هو اللي جاب الأولاد من المدرسة و كلهم قعدين على طربيزة السفرا مستيينها تدخل هية من باب الشقة من غير سلام ولاكلام مالكم قعدين كده وتبص ليه بكل جرأة وتقول :وأنت مش قادر يعني تسخن الأكل اللي في التلاجة و لازم الخدامة بتاعة البيت هية اللي تعمل كل حاجة
أه يااني منكم هوة انا هلافيها منكوا ولامن الأرف الشغل.
ويسأل هوه بكل برأة أكل أيه اللي في التلاجة تقولوه بمنتهى الاستغراب الطبيخ البايت بتاع أول امبارح امال أنت عايز المحمر والمشمر عالعموم أطبخي ياجارية كلف يا سيدي بدل البهدلة اللي الواحدة فيها من يوم ما اتنيات أتجوزت مانا كنت قعدة معززة مكرمة في بيت بااااااااااابييييي
وكل حاجة بتيجي لغاية عندي مالهم زمايلي اللي في الشغل كل واحدة جوزها جايبلها عربية اد كده حصرة علية وعلى بختي الأسود....................
..................
الخ الخ الخ و في مشهد ليلي كمان ممكن أحكيهواكوا بعدين اذا كنتم عايزيين
أشرف رشدي
At 1:13 AM,
شيمـــــاء said…
هذا لا يسمى بزواج .. هذه حرب
يوم زى اى يوم مثل هذا ما هو الا تفريغ شحنة غضب مسيطرة ..على أياً منهما ..أياً كانت
الزوج و الزوجة لابد ان يكونا مثل قطعة الارابيسك ..كله جزء فيها معشق فى الأخر ..علاقة العاشق و المعشوق ..علاقة انه هو و هى سوياص فى كل شئ و يريان حقيقة كل واحد
اعتذر لك ..هذا ليس يوم زى كل يوم ..هذا اسوء يوم
At 3:33 PM,
Anonymous said…
ya 3eeny 3aleek ya ashraf,howa el gawaz 3amal feek keda,feen ashraf sab3 el bormoba wel sabaa3 regala fe ba3d,la 7awl wala kowat ella be allah,ento keda 3a2adtoony fel gawaz ,wana keda mesh hatgawez fe 3eshty,anyway i think there should be understanding in the relationship and those stuff you are talking about won't build a family it will destroy it,i know its the truth nowadays but the couple should keep those stuff down at least away from the children,and settle everything between the couple alone and without ANY INTERFERENCE specially from the family coz it could seriously harm the relationship if not destroyed it already,anyway the only way which can make our life work the right way is our only 1400 year old refrence
OUR RELIGON,kan ma3akom mo7adesokom men estaad al kahera
MAHMOUD AHMED
At 11:08 AM,
Abo Amr said…
مثل هذين الزوجين كشريط القطار
لا يلتقي خطاه الا عند تحويلة
و هذه التحويلة هي في رأيي اتقاء الله
الاحترام المتبادل
ثم فليكن ما يكون
نظرتي دائما للزواج هي ان لم يكسر كلا منهما يكسر بعضا من احتياجاته و يكسر جزءا من شخصيته ليبنى بها الاخر
فلن تستمر الحياة
At 12:27 PM,
أُكتب بالرصاص said…
لا اظن انه من الصواب باصدار حكم من مجرد ذكر بعض المواقف
فلننظر لماذا وصل الزوج إلى هذه الحالة
في سلبيات في العلاقة لابد من ذكرها
الحكاية مش من الباب للطاق
حد فاهم حاجة؟
Post a Comment
<< Home