بعد طول غياب
ايوه بعد طول غياب
ماهو عشر شهور طول غياب
و يمكن عشر اسابيع كمان طول غياب
بس ايه اللى يحدد طول الغياب ؟؟
تحدده اللهفه على الاهل و احضانهم
يحدده الشوق للاصحاب و لمتهم و ضحكتهم و دمعتهم
يحدده الحنين للشوارع و البيوت و الاماكن
تحدده فرحه القلب و ضحكة الشفايف
لما صوره البلد تظهر فى الخيال
و العقل يسرح و يبتسم و يرتاح البال
متقولش بعدت اد ايه 0000
قول ايه اللى ناقصنى0000
ناقصنى لمه وناس تسال و ايدين تساعد
لما اكون مهموم، زعلان و متضايق
ناس تتلم و تتجمع عايزين يهونوا و يطبطبوا
فيه منهم كتير تعرفهم بس فيهم متعرفهمش
بس الكل بيساعد
علشان دول اولاد بلدى و هو ده اللى اتربيت عليه
و ده اللى ناقصنى0
posted by moly&Osama @ 12:40 PM
10 Comments:
At 1:43 PM,
عمرو إبراهيم said…
الله يا آمال
تسلم إيديكي
كل الحاجات اللى قلتيها دى فعلا تؤدى للإحساس بالغربة
بغض النظر عن مدة الغربة دى
بس برضه
ممكن الواحد يحس بالغربة جوه بلده
وده إحساس قاتل فعلا
يمكن يكون جزء منه بان فى أغنية نفسى لإيمان البحر درويش
لما قال
هو من إمتى الولد
بيخاف من أمه
لما فى الضلمة تضمه
أو فى النكتة الأمريكية
لما واحد بيقول لمراته
I am homesick
قالتله:
But honey, this is your home!
فقاللها
I know. i am sick of it!!!
At 2:01 PM,
Anonymous said…
جزء من قصيدة وحشتونا للشاعر الشاب
أشرف بك رشدي
وحشتونا وحشتونا وحشتونا
يا أحلى صحبة واحلى عيلة و احلى لمة
يا أحلى بلد متربعة دايما فوق القمة
البيت وحشني النيل وحشني فيه أحلى نسمة
الليل وحشني ووش مصري فيه أحلى بسمة
وبيت العيلة كمان وحشني فيه أكلةدسمة
وصدر أم مشتاق بيصرخ و ينادي بكل همة
على ابن مسافروبنت غايبة عشان أغلى لقمة
ودمعة فرقة وحضن دافي في أبعد غربة
............................................................................................................................................و البقية تأتي في الحاقة القادمة
At 2:53 PM,
شيمـــــاء said…
الغربة وحشة
حسيتها وانا فى العمرة لمدة عشر ايام
كنت هموت وارجع مصر
كنت قبل السفرية دى نفسى اعيش بره
حتة نضيفة و مكان منظم و ناس تانية
لكن لما سفرت وشوفت الناس اللى هناك حسيت يعنى ايه غربة
الغربة داخل الوطن
غالبا الواحد هو اللى بيحسس نفسه بيها اكتر
ترجعلينا بالسلامة
وفى انتظارك
At 6:03 PM,
Anonymous said…
good point of view ,off course everyone of us miss his family and friends,but when your country is not even close of appreciating your skills then u gotta do whatcha gotta do,so till our country become tolerable to live in again e7na el mo3azaboun fel 2ard 7ata esh3aar 2a7'ar
At 7:50 AM,
مفلس افندى الرايق said…
كلامك جميل بجد
شرفنى المرور
At 4:46 PM,
Anonymous said…
الحلقة الثانية من قصيدة وحشتونا
للشاعر الشاب أشرف بك رشدي
ماشي لوحدي و أناغريب في سكة طويلة
ماشي وحيد وأنا مفيش في ايدي أي حيلة
ماشي بفكر في ذكرى حلوة وأيام جميلة
ماشي لوحدي قدامي أمل وورايا عيلة
يوم يعدي و يوم يفوت وكمان ألف ليلة
ليل طويل ليل كتير و أيام ذليلة
عايز أرجع كفاية بقى عيشة مريرة
عيشة ملوك عيشة صعلوك عيشة فقيرة
...................................................................
و البقية تأتي حسب طلب السادة القراء
At 5:21 PM,
فراسة said…
وحشتونا وحشتونا وحشتونا
يا أحلى صحبة واحلى عيلة و احلى لمة
يا أحلى بلد متربعة دايما فوق القمة
البيت وحشني النيل وحشني فيه أحلى نسمة
الليل وحشني ووش مصري فيه أحلى بسمة
وبيت العيلة كمان وحشني فيه أكلةدسمة
وصدر أم مشتاق بيصرخ و ينادي بكل همة
على ابن مسافروبنت غايبة عشان أغلى لقمة
ودمعة فرقة وحضن دافي في أبعد غربة
ماشي لوحدي و أناغريب في سكة طويلة
ماشي وحيد وأنا مفيش في ايدي أي حيلة
ماشي بفكر في ذكرى حلوة وأيام جميلة
ماشي لوحدي قدامي أمل وورايا عيلة
يوم يعدي و يوم يفوت وكمان ألف ليلة
ليل طويل ليل كتير و أيام ذليلة
عايز أرجع كفاية بقى عيشة مريرة
عيشة ملوك عيشة صعلوك عيشة فقيرة
و باقي القصيدة موجود على
fahama .blogspot.eg
At 10:10 AM,
Unknown said…
يجوز بنبعد ونفترق لكن فى يوم اكيد هانعود مهما طال الغياب
لان الغربة إختيار لكن العودة مصير
حلم العودة لا يفارق خيالى
مهما ابعدتنى مشاغل الحياة ومهما حذرنى احبتى من غربة الشخص داخل الوطن
فالوطن هو الوطن
هو الحضن الدافىء الذى احتمى فية حتى من نفسى
لا يساوى ذلك اموال العالم
ولا يدرك قيمة الوطن إلا من تركة
ولا يدرك قيمة الانتماء غلا من خالط من ليس لهم وطن ينتمون إلية - اولئك الذين يطلق عليهم البدون
اعيش فى الغربة بهذة الامآل - آمال العودة
At 2:12 PM,
Ahmed yossif said…
كل سنة وانتى طيبة يا امال انتى وزوجك
ان شاء الله ترجعلنا بالف سلامة
وتشوفى اصاحابك واهلك واصدقائك ايلى وحشتيهم .
At 3:03 AM,
fawest said…
عود احمد
ان نت فقدت الامل ان فى حد هنا
Post a Comment
<< Home